బిగ్ బాస్ సీజన్-7 కి వెళ్ళిన మొదటి కంటెస్టెంట్ ప్రియాంక జైన్. శివ కుమర్ , ప్రియాంక జైన్ కలిసి గత కొంతకాలంగా రిలేషన్ లో ఉంటున్న సంగతి తెలిసిందే. అయితే వీళ్ళిద్దరు కలిసి 'నెవెర్ ఎండింగ్ టేల్స్' అనే యూట్యూబ్ ఛానెల్ క్రియేట్ చేసి అందులో రెగ్యులర్ గా వ్లాగ్స్ చేస్తూ ఫుల్ ట్రెండింగ్ లో ఉంటున్న సంగతి తెలిసిందే. ప్రియాంకని శివ కుమార్ ముద్దుగా 'పరి' అని పిలుచుకుంటాడు. వీళ్ళిద్దరు కలిసి డ్యాన్స్ షోలో పాల్గొనగా వీరికి ఇన్ స్టాగ్రామ్ లో ఫుల్ ఫ్యాన్ పేజీలు పుట్టుకొచ్చాయి. ఇలా ఇద్దరు మంచి క్రేజ్ ని సంపాదించుకున్నారు.

ప్రియాంక జైన్ అలియాస్ జానకి.. ముద్దుగా అమ్ములు అని పిలుస్తారు. తన పేరు కంటే తను నటించిన పాత్ర ద్వారానే ఎక్కువ ఫేమ్ లోకి వచ్చింది ప్రియాంక జైన్. 'మౌనరాగం' సీరియల్  ద్వారా బుల్లితెరకి పరిచయమైంది. ఆ సీరియల్ లో అమ్ములు పాత్రలో మూగ అమ్మాయిగా తన నటనతో, హావభావాలతో ప్రేక్షకులను ఆకట్టుకుంది. ఆ తర్వాత  మా టీవీలో ప్రసారమై తాజాగా పూర్తయిన 'జానకి కలగనలేదు' సీరియల్ లో అమర్ దీప్ తో జతకట్టి తన యాక్టింగ్ తో అందరిని మెప్పించింది. ప్రియాంక జైన్ ముంబైలో జన్మించింది. తనకి చిన్నప్పటి నుండి యాక్టింగ్ మీద ఉన్న ఇంట్రస్ట్ తో, మొదట మోడల్ గా తన కెరీర్ ని స్టార్ట్ చేసింది. ఆ తర్వాత తమిళ్ లో 'రంగ్ తరంగ్' మూవీలో నటించింది. కన్నడలో 'గోళీసోడా', తెలుగు లో 'చళ్తే చళ్తే' మూవీలో నటించింది. అందులో అంతగా గుర్తింపు రాకపోవడంతో మా టీవీలో ప్రసారమైన మౌనరాగం సీరియల్  ద్వారా తెలుగు ప్రేక్షకులకు దగ్గరయిందని చెప్పొచ్చు. ఆ సీరియల్లో హీరో శివ కుమార్ తో ప్రియాంక ఫ్రెండ్ షిప్ మొదలయింది. కాగా ఇప్పుడు ఇద్దరు ప్రేమికులుగా మరిపోయారు. ప్రియాంక, శివకుమార్ కలిసి ఒకే ఇంట్లో ఉంటున్నారు. త్వరలో వీళ్ళు పెళ్లి చేసుకోబోతున్నారనే వార్తలు కూడా వినిపిస్తున్నాయి. ఇద్దరు కలిసి వ్లాగ్స్ చేయడంతో వాటికి లక్షల్లో వ్యూస్ వస్తున్నాయనడంలో ఆశ్చర్యం లేదు. 

బిగ్ బాస్ హౌజ్ కి ప్రియాంక వెళ్ళేముందు షూట్ చేసిన ఒక వీడియోని శివ కుమార్ తమ యూట్యూబ్ ఛానెల్ లో అప్లోడ్ చేశాడు. ' బిగ్ బాస్ కి ముందు ప్రాంక్ ఆన్ ప్రియాంక జైన్' అనే టైటిల్ తో చేసిన ఈ వ్లాగ్ లో.. శివ కుమార్ తన గడ్డం, మీసం తీసేసి ఒక అమ్మాయి గెటప్ వేసుకొని ప్రియాంకని ప్రాంక్ చేయాలనుకున్నాడు. కానీ  ప్రియాంక ఆ అమ్మాయి శివకుమార్ అని కనిపెట్టేసింది.‌ ఇలా ప్రియాంక బిగ్ బాస్ కి వెళ్లేముందు  తీసిన ఈ వ్లాగ్ ఇప్పుడు యూట్యూబ్ లో ఫుల్ ట్రెండింగ్ లో ఉంది. ఇప్పటికే సీరియల్ ద్వారా తన నటనతో మంచి ఫాలోయింగ్ సంపాదించుకున్న ప్రియాంక హౌజ్ లో ఎలాంటి వినోదాన్ని ఇస్తుందో? ఎలా గేమ్స్, టాస్క్ లు చేస్తుందో చూడాలి మరి.